Baseball

MLB Pitch, Hit and Run

ORANJESTAD – E organisacion di Curacao Baseball Week durante nan clinica pa mucha a presenta e programa di MLB Pitch, Hit and Run na Tio Daou Ballpark. Esaki danki na e contacto estrecho cu Hensley “Bam Bam” Meulens actual hitting coach cu e ekipo di San Fransisco Giants a haci cu e Major League Baseball Players Alumni Association pa asina pa di dos anja consecutivo hanja yudansa pa Curacao Baseball Week organiza e programa di Pinch, Hit and Run the Major League Baseball.

Hobenan di 9 pa 12 anja a hanja e chens di pitcha, bati y core contra otro y esun cu a gana a hanja un pasashi paga pa e y su famia pa bai mira un wega official di Grandes Ligas na e parke di Miami Marlins.

Major League Baseball ta provee tur e material pa por organiza e evento di bala, batting tee, batenan di baseball pa asina e hobenan por disfruta di un rato hunto cu e grandinan di baseball na Curacao. Tambe nos por a aprecia varios di e coaching staff di e seleccion di Hulanda. Steve Janssen cu ta e actual coach di pitcheo pa Team Kingdom hunto cu coach Ben Thijssen hunto ca varios di e coachnan local.

Na final di e atardi tur mucha a ricibi nan certificado pa e completo e clinica na e Curacao Baseball Week 2016.
Sigur e ta sirbi como estimulo pa e hobenan di Curacao, den entrevista cu Jonathan Schoop di Baltimore Orioles e la indica cu tempo e tawata chikito e tambe kier a mira y experiencia cu e tempo ey Andruw Jones cu tawata un estrea cu e ekipo di Atlanta Braves. Pesey awor cu nan tin e oportunidad di duna back nan ta hacie cu mil amor.

 

Most Popular

To Top