Baseball

Atlanta Braves prospecto Ray-Patrick Didder Diamante Bruto

ORANJESTAD – Awendia, cu e poder di Twitter y abundancia di informacion di e paginanan di baseball, prospectonan ta hanja mas attencion cu nunca.

Atlanta Braves ta un organisacion cu ultimo anja a traha duro pa rebuild e ekipo. Y cu renobacion ta bin attencion special na e prospectonan di e organisacion y nan futuro comosifuera nan ta marca den cement. Un di e hungadornan cu no ta den attencion di e reporteronan y fanaticonan ta e hoben Ray-Patrick Didder di Aruba.

Didder ta un hungador cu awor ta jegando su top form. E la termina su campanja di 2016 hunto cu Rome Braves y na e edad di 21 anja e ta 3 anja mas grandi cu e gran mayoria di su companjero di ekipo.

Ta importante pa accentua cu Didder a bin di Aruba, un area cu no tin hopi scout. Y mas aun, ta importante pa compronde con Atlanta Braves ta maneha e operacion na Rome Braves.

Atlanta ta trata Rome como un anja completo di experencia pa sinja y hanja experiencia. Den cualkier otro organisacion lo bo mira hungadornan manera Didder y Ozzie Albies di Curacao pasa rapido door di Low-A. Pero Atlanta ta gusta Rome pa motibo cu nan staff tin hopi experiencia y Rome ta leu di cualkier distraccion pesey nan ta tuma tempo cu nan talentonan.

Tur cos bisa, Didder, awo cu su 22 anja, lo move di Rome Braves y cuminsa su temporada nobo den High-A of Double A. Basa riba su talento y edad, Double A tin mas sentido.

Didder a firma cu Braves como un shortstop y a wordo cambia rapidamente pa outfield. Entre e y Acuna, e ta posibelmente e mihor outfielder den e sistema di Braves den liga menor. Ora bo wak e hunga centerfield y rightfield den 2016 nunca lo bo a pensa cu e ta nobo den outfield. Su speed y range ta haci cu e ta hopi bon y su abilidad di lesa e bala for di e bat y sa ki ora pa cuminsa core.

Hopi biaha den Low-A bo lo wak un hungador similar cu Ray-Patrick Didder. Lo bo wak hungadornan cu tin speed, pero lo bo no wak hungadornan cu e instincto natural. Esey ta haci Didder practicamente e mihor y no unicamente su speed sino su brasa. Didder tin un canjon di brasa.

Den 2016 Didder a pasa su tempo mas tanto entre centerfield y rightfield ora cu Acuna a bin back di lession. E tawatin un total di 19 assist den centerfield. Compara esey cu e No. 5 di baseball, e center fielder di Boston Red Sox Andrew Benintendi, cu tawatin 6 durante henter e anja.

Didder no ta special unicamente den outfield, pero e ta bati y subi base constantemente. E la lead e liga den deadball y di dos den OBP (.387), e la lidera den careda anota, danki den gran parti na su coleganan di ekipo.

Si bo a wak Ray-Patrick Didder hunga cu Rome den 2016, lo bo a wak un elite lead-off hitter den construcion, Didder ta jega home plate, subi base door di hinca e bala den wega of deadball y prome cu bo sa ja ta para na tercera base.

Didder ta bati pa contacto y tawatin solamente 6 homerun. Pero si bo wak e, e tin tur potencial di por bati 15-20 homerun si e ta desea. E la termina e temporada ta bati .247/.387/.381 cu 9 triple, 6 homerun, 37 base roba durante un temporada historico cu Rome Braves.

Pa locual ta e ranking di prospecto y Ray-Patrick Didder, e ta hopi importante pa tene na cuenta cu mientras hopi prospecto a logra jega Grandes Ligas, hopi di nan no a jega y hopi cu no tawata prospecto tambe a logra jega. Hungadornan manera Mariano Rivera, Curt Schilling, Tim Wakefield, Robinson Cano, Josh Donaldson, Daniel Murphy y James Schield nunca a jega top-100 di prospectonan segun e publicacion di Baseball America.

 

Cu prospecto nunca bo no sa, pero algo cu ta haci baseball unico ta cu e ta dificil. E ta un proceso largo, cu ta kita bo energia pa jega Grandes Ligas. Si Ray-Patrick Didder sigui ariba e caminda aki, e ta bai sorprende hopi hende.

*Articulo publica via TomahawkTake y traduci pa Sports Zone Aruba.

Most Popular

To Top