Futbol

The American Dream for the Aruba international

ORANJESTAD – “Tin mihor mediocampista tur rond di mundo y nan desea di tin ami” esey tawata e palabra
di Gregor Breinburg hopi emocional despues di e partido contra Willem II.

E hoben di 25 anja ainda ta recorda con e tawata stage na Kruidvat ta prepara pakete pa cliente manera ta conoci na Aruba como jena saco den supermercado. Bida no tawata facil, mi mayornan no tawatin hopi Breinburg a conta Algemeen Dagblaad na Hulanda.

Gregor Breinburg ta internacional pa e seleccion di Aruba, despues di a hunga cu De Graafschap e la pasa pa NEC Nijmegen den Eredivisie. Y ta net prome cu esey cu Breinburg a fungi como mediocampista pa prome biaha pa e seleccion nacional di Aruba. E lace cu Aruba ta pa motibo cu su mama ta Flanegin di famia di Santa Cruz y Breinburg ta hopi orguyoso di por representa Aruba.

Awor cu tin interes grandi di parti di Los Angeles Galaxy, ta e ekipo di NEC Nijmegen tin cu finaliza e transfer internacional . LA Galaxy cu ta den top di Major League Soccer na Estados Unidos ta enbusca di Breinburg pa asina e por tuma e lugar di AJ De La Garza cu a pasa pa Houston Dynamo.

Pa mas informacion y lo ultimo den deporte di Aruba, sigui nos ariba Facebook y Instagram.

 

 

Most Popular

To Top