Baseball

Rincones Travel Team rumbo Curacao

​ORANJESTAD – Rincones Travel Team ta cla pa un biaha mas participa na Copa FABB/Kenley Jansen na nos hermana Isla korsow den e deporte di Little League Baseball. Dunando asina tur honor na Sr. Eric Rincones cu a dedika su bida na eduka mucha y siña nan tambe e bunita wega di baseball. Hopi di e leyendanan awe tabata parti di su teamnan di Little League.

Sr. Eric Rincones hunto cu ekipo di Aruba hunto cu e legendario di Japon Sadaharu Oh y Hank Aaron di Atlanta Braves.

Awendia yiu homber esta Sr. Elwin Rincones ta guia y sigui cana den su sombra y asina sigi cu e trabow cu ela cuminsa y asina duna muchanan e oportunidad di hunga baseball pero tambe sera amistadnan cu lo dura pa semper. Den su mesun palabra: “Un danki na nos Coachnan y na nos Rincones Travel Team Staff pa e dedikashon pa haci un biaha mas pa casi 10 aña e baseball trip posibel. Danki na Righnald Martina pa un biaha mas permiti nos ta parti di e torneo. Danki pa duna e chikitonan e oportunidad pa haci deporte pero tambe e chance pa traha ariba nan formashon y crecemento personal pa no solamente ta un pelotero mañan pero un lider den nos comunidad. Danki na tur e mayornan cu ta inverti den nan yiunan algo cu sumamente importante di aprecia, 1 deportista mas ta 1 delicuente menos!”
Rincones Travel team lo ta rumbo Curacao cu 2 ekipo den e edad di 9-10 y 11-12 y lo bataya cu e mihor ekiponan di Curacao den fin di siman venidero.

Most Popular

To Top