Baseball

Baseball ta di luto pa Yordano Ventura y Andy Marte

ORANJESTAD – Diadomingo den oranan tempran di mainta a habri cu noticia di e fayecimento di Andy Marte. Marte ultimo a hunga tercera base pa e ekipo di Arizona Diamondbacks den Grandes Ligas. Ta asina cu den oranan di marduga Marte tawata envolvi den un accident di auto na Republica Dominicana cu ta cobra su bida. Cu apenas un edad di 33 anja e ta accidenta su so den su Mercedez Benz blanco cu segun varios reporte e tawata conduci cu un velocidad halto.

Ni un par di ora despues un otro accidente a ser raporta cu un auto cu ta pertenece na un otro pelotero dominicano. Ta trata di e hoben di apenas 25 anja, pitcher estelar di Kansas City Royals, Yordano Ventura.

Ventura a accidenta den su Jeep blanco na momento cu e ta perde control di e vehiculo cu un velocidad halto. E noticia aki a shock e mundo di Major League Baseball despues cu dos anja pasa caba a despedi di e hoben dominicano Oscar Taveras cu tambe a fallece por medio di un accidente tragico.

E deporte di baseball ta manera un famia grandi cu a perde su yiunan keri, tur rond di e liga e hungadornan a manda nan palabra di condolencia pa e famianan di e victima.

Cu Yordano Ventura y Andy Marte sosega na paz.

Most Popular

To Top