Futbol

LA Galaxy pa 99% lo no sigui cu Breinburg

ORANJESTAD – Diadomingo e tawata duidelijk pa tur hende cu e mediocampista internacional di Aruba Gregor Breinburg su sonjo di join e ekipo di LA Galaxy a stagna.

Tawatin un interes grandi entre LA Galaxy y Gregor Breinburg unda a pone e ekiponan den contacto pa asina a negocia e transfer internacional. NEC Nijmegen de immediato a laga sa via prensa cu lo no ta bai ta facil pa hanja un reemplaso den un corto tempo pa e capitan di e ekipo. Y di otro banda Breinburg a demonstra su interes grandi di haci un stap grandi pa bai milita den e Major League Soccer na Estados Unidos.

NEC Nijmegen a nenga e di 2 oferta di LA Galaxy mientras cu LA Galaxy a bai over na firma Jermain Jones y João Pedro como mediocampista. Y asina e ekipo di LA Galaxy a sera nan ekipo pa e siguiente temporada.

Gregor Breinburg a laga sa su disgusto, despues di a recobra e di dos penalty contra di Roda JC den su celebracion e la core bai linja y aki ta unda e la lanta su camiseta cu tawata bisa “Dios Ta Grandi” pa asina e publico y camera di television por a mira.

 

Ora a puntra e Director Technico di NEC Nijmegen Peter Hyballa tocante di e transfer durante e programa di Studio Sport:

“Hollywood of Nijmegen, dan kies je natuurlijk Nijmegen”

Gregor Breinburg tin un anja y mei mas cu e ekipo di NEC Nijmegen pero awor tur cos ta mustra cu e ta bai bira dificil, y ta den mihor interes di NEC Nijmegen pa buska un transfer pa e internacional Arubano.

Most Popular

To Top