Futbol

Britannia Campeon Copa Betico Croes

ORANJESTAD – Diaranzon anochi a tuma lugar e gran final di Copa Betico Croes entre e ekipo di Dakota y Britannia.

Britannia ta anota promer por medio di un cruce di Luis Carlos Croes unda e mediocampista Reinir ta probecha y anota ora cu keeper di Dakota Joscar de Kort ta tarda pa sali.

Britannia ta keda pressiona e ekipo di Dakota y ta prome cu final di e prome tempo Jean Pierre Fingal ta ricibi un tremendo pase unda Akeem Charles ta comete falta den area penal y referee ta pita penal. Luis “Coco” Estrada no ta basila y ta pone e ekipo di Britannia ariba 2-0.


Den di dos tempo Dakota ta sali hopi mas effectivo y cu basta offensiva y ta crea varios opportunidad clave cu no ta concreta den gol. Nickenson Paul riba un accion individual ta fusila un tremendo tiro den gol di Kenrick Dania pa asina corta ventaha 2-1.

Dakota ta pressiona fuertemente den e ultimo minuutnan pero no ta logra empata e partido y asina e ekipo di Britannia ta pone un record nobo cu e ekipo cu un total di 7 titulo maximo di Copa Betico Croes.

 

Most Popular

To Top