Futbol

AWE RCA TA CUMPLI 83 ANJA DI EXISTENCIA!

ORANJESTAD – Aki ta sigui un tiki di e historia di e club di futbol mas exitoso di nos isla. Si nos mester skirbi tur loke cu R.C.A. a significa pa nos futbol anto ta miho nos skirbi un buki. R.C.A. a wordo funda dia 15 februari 1934 bou di e nomber Aruba’s Beste Club, abrevia A.B.C.

Na februari 1937 e miembronan a dicidi di cambia esaki pa Racing Club Aruba cu a bira popularmente conoci como R.C.A. Bou di e nomber aki el a titula 32 biaha campeon,18 biaha subcampeon di e campeonatonan organisa pa A.V.B. y 2 biaha campeon di Liprof. Na 1941 R.C.A. a bira e prome club pa titula campeon 2 biaha den un aña. (Esaki a wordo iguala pa Nacional na 2001).

Dos biaha R.C.A. a gana 5 titulo sigui: for di 1938 te cu 1942 y for di 1944 te cu 1948. Te ainda ningun club a iguala esaki, e unico cu a yega cerca cu 4 titulo tawata Dakota (for di 1980 te cu 1983). Na 1948 R.C.A. a gana tanto e Koningin Wilhelmina Wissel Beker como e Koningin Wilhelmina Jubileum Beker y tambe e Rodriguez Beker.

Na 1950 y 1951 El a gana e A.V.B. Wissel Beker y na 1955 e N.E.N. Statuut Beker. Despues R.C.A. a gana 4 biaha e Koningin Juliana Beker, na 1956, 1959, 1961 y 1966. R.C.A. a gana tambe dos biaha e copa Betico Croes, na 2012 y 2016. Tur e copanan aki tawata y ta wordo organisa pa A.V.B. R.C.A. a hunga den 12 Copa Antiyano y a titula campeon na 1965, e prome club di Aruba, y subcampeon na 1961 y 1977.

Un palabra di pabien ta bay na directiva, hungador-, miembro- y fanaticonan di e tricolornan di Solito R.C.A.

Credito: Fransico Vrolijk

Most Popular

To Top