Baseball

Xander Bogaerts a raporta pa Spring Training

FORT MYERS – Dialuna mainta e hoben Arubano Xander Bogaerts a sali pa Fort Myers, Florida pa e Spring Training camp di Boston Red Sox.

Awe officialmente Bogaerts a raporta na camp unda e lo keda pa mas o menos dos siman pa despues join e ekipo di Kingdom of the Netherlands pa e World Baseball Classic.

Inicialmente, e ekiponan di Grandes Ligas no ta keda contento ora nan hungador dicidi di participa na e classico. Mike Trout a nenga e chens di hunga cu Estados Unidos pa concentra cu e ekipo di Los Angeles Angels.

Xander Bogaerts a declara na prensa Americano cu e no ta preocupa, e importante ta cu e ta awor serca su ekipo di Red Sox y lo prepara pa e temporada nobo. Mas aun e la recorda prensa cu na 2013 tambe e la participa na e classico y e anja ey Boston Red Sox a titula campeon di World Series.

Importante pa Bogaerts ta e experiencia di hunga dilanti e publico grandi, na 2013 ainda e ta corda con e la hunga den un Tokyo Dome completamente yen di fanatico.

E meta principal pa Bogaerts ta pa e hanja su timing den bateo tempran den temporada, e temporada ta bai ta largo pero Bogaerts no ta preocupa, e ta cla pa e reto.

Nos di Sports Zone Aruba ta desea Xander Bogaerts tur clase di exito cu e temporada nobo.

Most Popular

To Top