Futbol

Ronald Gomez ta stage na PEC Zwolle

ORANJESTAD – E delantero Arubano Ronald Gomez un 8 luna pasa a tuma un desicion di bai un siguiente nivel di futbol profesional. Na Aruba Ronald Gomez tawata delantero estelar di e ekipo di RCA y tawata delantero pa e seleccion di Aruba pa varios anja.

Pero despues di a termina e curso di entrenador profesional di futbol UEFA TC-III na Aruba a presenta e oportunidad unico pa sigui e curso di UEFA TC-II na Hulanda. A tuma e desicion dificil pa bai Hulanda y awor por mira atras riba un tremendo experiencia unda e ta un assistent cu e ekipo di PEC Zwolle U-19 na unda e ekipo ta hunga contra e ekipo grandinan di Hulanda den eredivisie manera un Ajax, Feyenoord, PSV.

E passion pa hunga mes no a keda atras, Ronald Gomez ta activo ainda hungando pa e ekipo di Rhoda Raalte como delantero. Rhoda Raalte na e momento aki ta na prome lugar y ta buscando pa promove.

Nos di Sports Zone Aruba a ricibi un video update di e delantero Arubano na Hulanda.

Pa mas informacion, sigui nos atravez di nos medianan social, Facebook, Instagram y Youtube.

Most Popular

To Top