Baseball

Xander Bogaerts cla pa World Baseball Classic

SUR KOREA – E astro Arubano Xander Bogaerts ayera a join e seleccion di Reino Hulandes na Sur Korea. Bogaerts diamars awor lo ta tercera base pa Team Kingdom ora cu nan enfrenta e seleccion di Sur Korea den nan cas.

Dialuna 6 Maart ta duna inicio na e World Baseball Classic cu por ser considera e World Cup di e mundo di baseball. E seleccion di Hulanda cu awor ta carga e nomber di Team Kingdom of the Netherlands ta conta cu varios di astronan di e nos hermana isla Curacao y Aruba.

E prome rond na Seoul, Korea ta start cu e prome wega dialuna 6 maart pa 4:30am ora cu Israel y Korea topa otro mientras cu e di dos wega lo ta 10or di anochi ora di Aruba entre Israel y Chinese Taipei. Team Kingdom lo ta hungando diamars pa 4:30 am ora di Aruba ora cu nan topa e favoritonan na cas Sur Korea.

Aruba lo por conta cu dos di su mihor peloteronan den e lineup, ora cu Xander Bogaerts lo ta tercera base y Randolph Oduber lo ta e posibel centerfield contra Sur Korea.

Transmission lo ta envivo atravez di MLB Network, ESPN Deportes mientras cu na Hulanda FOX Sports NL. Nos a compronde cu Telearuba lo no tin e derechonan di transmission.

Nos di Sports Zone Aruba ta desea nos hungadornan tur clase di exito durante e World Baseball Classic.

Most Popular

To Top