Baseball

Awe tin e gran apertura di Aruba Little League

ORANJESTAD – Awe ta ranca sali e comienso di campeonato cu un gran apertura di Aruba Little League. Tur anja e temporada di Maart ta ranca sali cu e torneo di baseball mas grandi di Aruba, e programa di Little League.
Awe pa 6or di atardi tin e desfile di e 3 liganan di Aruba den e stadion renoba di Joe Laveist Ballpark na San Nicolas.

Y den fin di siman caba lo tin differente wega tur rond di Aruba di Little League. Diasabra mainta na Pos Chiquito Ballpark na Piedra Plat ta ranca sali cu candeloso partido di Aruba Center Little League entre e ekipo di Grasshopper y Giants pa 10or di mainta mientras cu pa 12or Rockets y Stars ta topa otro den algun partido candeloso.

Fanaticonan di baseball Little League ta keda cordialmente invita pa bin aprecia nos futuro streanan den e deporte di baseball. E fundeshi di tur nos peloteronan firma a cuminsa den Little League, bin presencia e apertura y apoya nos streanan den e deporte di baseball.

Tur hende ta keda cordialmente invita pa San Nicolaas, na Joe Laveist Ballpark pa 6or di atardi, nos a compronde cu lo tin varios sorpresa awetardi pa e hobenan peloteronan di Aruba.

Nos di Sports Zone Aruba ta desea tur ekipo tur clase di exito, y cu nos por mira hopi mayor apoyando nan yiunan engrandi. Pa mas informacion di Little League sigui nos ariba nos social media Sports Zone Aruba y Baseball Aruba.

Cede pa weganan Latinoamericano 2017

Minor League (9-10 aña): Fajardo, Puerto Rico, 28 July pa 6 Augustus 2017

Little League (11-12 aña), St. Johns, Antigua 7 pa 16 di July 2017

 Intermediate (11-13) aña),  Reynosa, Mexico 23 di Juni pa 2 July 2017

 Junior League (13-14 aña), Ciudad Guatemala, Guatemala 30 Juni pa 9 July 2017

 Senior League (15-16 aña), St. Thomas, USVI 14 July pa 23 July 2017

 Hubenil (17-19 aña), Willemstad, Curacao 21 July pa 30 July 2017

 

Most Popular

To Top