Baseball

SETAR cu World Baseball Classic 2017 riba Cable

ORANJESTAD – SETAR tin e honor di anuncia cu lo bay pasa tur e weganan di World Baseball Classic (WBC) riba Cable Digital, riba canal 100 y den HD 355.

E World Baseball Classic tin un interes grandi pa e pueblo di Aruba pa e grupo di Arubiano den cu ta forma parti e team di Reino Hulandes. E peloteronan profesional Shawn Zarraga, Randolph Oduber, Xander Bogaerts, Dwayne Kemp, Chadwick Tromp hunto cu coach Win Martinus lo sa di representa Aruba den e seleccion di Reino Hulandes.

WBC ta un competencia profesional internacional di baseball.  E ta un competencia cu ta tuma lugar cada 4 aña.  Republica Dominicana a sali campeon na 2013. E aña aki tin 2 team nobo cu a califica pa WBC cu ta Colombia y Israel.

E promer rond di diferente pool lo tuma lugar na Tokyo, Seoul, Miami y Guadalajara. E di dos rond di dos pool lo tuma lugar na Tokyo y San Diego y e rond final lo tuma lugar na Los Angeles na Merca. E weganan ta cuminsa desde dia 6 di maart te cu 22 di maart proximo.

Sigui SETAR riba Facebook pa informacion di horario di e weganan. E promer wega ta dialuna awor, dia 6 di maart, 2017 cu e equipo di Israel contra Korea pa 6or di mainta.

Most Popular

To Top