Baseball

Walkoff contra Chinese Taipei 6-5

ORANJESTAD – E centerfielder di Curacao Jurickson Profar ta ricibi un base por bola cu base yen den bom di 9 inning y asina ta yuda Team Kingdom of the Netherlands clasifica pa e siguiente buelta di e World Baseball Classic na Tokyo, Japon cu un victoria importante di 6-5 contra Chinese Taipei.

Den su turno na bate Profar ta lanta un fly pa right field pero ta parce cu Hulanda a pidi time, manager Hensley Meulens ta pidi umpire pa check cu umpire di tercera y correctamente a indica cu enberdad a pidi time. Profar ta ricibi e di 4 malo y asina Dwayne Kemp ta score e careda pa asina avansa Team Kingdom pa e siguiente buelta.

E victoria aki ta manda Hulanda y Israel, ambos cu 2 victoria den e siguiente buelta. Bateador designa Didi Gregorius a luci den e partido aki cu 3 doblete. E shortstop di Yankees den di 8 inning a bati doblete pa asina Xander Bogaerts por a score y empata e wega na 5.

Team Kingdom of the Netherlands lo hunga awenochi pa 11or di anochi ora di Aruba nan ultimo partido di e prome round contra di Israel pa asina mira ken ta clasifica na prome y di dos lugar.

Y despues lo viaha pa Tokyo, Japon unda lo enfrenta e dos mihor di Pool B. Pabien na e seleccion di Reino Hulandes cu e victoria aki.

Pa mas informacion sigui nos ariba nos rednan social, Sports Zone Aruba ariba facebook, twitter y instagram.

 

 

Most Popular

To Top