Baseball

Team Kingdom sin Didi Gregorius

ORANJESTAD – Team Kingdom of the Netherlands ta na un pase di e gran final di e World Baseball Classic. Lo nan tin cu pasa door di Puerto Rico cu te ainda no a perde niun wega.

Team Kingdom lo conta cu Kenley Jansen, closer di Dodgers pa sera e wega pero di otro banda a perde Didi Gregorius cu mester a bula back pa Tampa despues di a sinti dolor den su schouder di tira.

Tur cos ta indica cu e shortstop di Yankees Didi Gregorius a sinti su schouder despues di e wega di exhibicion diasabra contra e ekipo di Diamondbacks.

Manager di Yankees Joe Girardi a indica cu Didi Gregorius a haci un MRI preliminar y a dicidi di no laga Didi Gregorius hunga e semifinal awenochi na Los Angeles.

E hoben di Aruba Chadwick Tromp ta esun cu lo reemplasa Didi Gregorius ariba e roster official.

Asina mes, Team Kingdom lo ta enbusca di su pase pa e gran final. Wega lo ta pa 9or di anochi ora di Aruba. Exito na Team Kingdom, cu awenochi lo por haci historia.

Most Popular

To Top