Baseball

Conocido umpire di Aruba Sr. August Reyes a bai laga nos

ORANJESTAD – Nos a haya e tristo noticia cu e conocido y legendario umpire di baseball di Aruba Sr. August Reyes a bai laga nos. Sigur un gran amigo pa nos cu semper tawata alegre y cu a dedica su bida na nos muchanan den mundo di baseball y na su querido famia.

Na e Little League Caribbean Championship dos anja pasa na Curacao, a duna homenahe na su persona cu a dedica 25 anja como umpire di Little League na Curacao y Aruba. E tawata masha contento cu su reconocimiento y recientemente a Liga Veterano tambe a reconoce su persona pa su trabou na baseball di Aruba.

Sosega y drumi dushi na paz Poy, sigur nos lo haya bo falta. Nos di Sports Zone Aruba y Baseball Aruba ta manda nos mas sincero palabra di condolonecia na Marla Reyes Rodriguez, Farrah Reyes, & Suhaila Reyes.

Most Popular

To Top