Baseball

ATCO Concrete Indians den otro final

ORANJESTAD – ATCO Concrete Indians ta pasa pa e gran final despues cu nan a gana Brazil Ceres den extra inning cu score di 8-7 ayeranochi den Joe Laveist Ballpark.

Un wega marathonico cu a pasa 12or di anochi cu transmission envivo ariba Blue 107.5FM cu naracion di Chejito Croes y commentario di Sherwin Howell unda cu Brazil Ceres na varios occasion a hanja oportunidad pa tuma ventaha pero ATCO Concrete Indians den extra inning ta completa double play pa asina termina tur speransa di Brazil Ceres eliminando nan di e playoff final 2016.

Pitcher ganador a resulta Joshua Ramada cu a bin sera e ultimo inning tras di bon relevo di Carlos Wester, mientras cu Shawn Duinkerk a resulta pitcher perdedor.

Un biaha mas nos lo bai presencia un otro clasico final den nos baseball AA ora cu Red Machine y ATCO Concrete Indians diabierna awor disputa e prome wega di e gran final den Nadi Croes/Crismo Angela Ballpark na Santa Cruz.

Most Popular

To Top