Baseball

Red Machine: Then and Now

ORANJESTAD – Marlboro Sport Club ta un associacon di deporte funda 10 di april 1959. E associacion tin como meta pa promove y hasi practica di differente ramonan di deporte, ademas promociona relajacion adequado y entretenimiento pa su miembronan.

Esaki ta e momento opportuno pa detaya poco di e historia di Marlboro Sport Club, despues cu Red Machine ta bolbe llega final pa di 5 biaha e decada aki. Red Machine e actual equipo di Marlboro Sport Club, pero conoce keto bay como Marlboro den boca di pueblo dor di e tur e hazañanan logra. Red Machine/ Marlboro ta un di e poco equiponan cu logra asina hopi record no solamente na Aruba, pero tambe den Caribe Hulandes, caminda nan tawata reconoci como un di e organizacionan modelo den Caribe.

Red Machine/ Marlboro tin 23 titulo campeon nos baseball AA, un racha di 10 aña campeon consecutivo na Aruba, y campeon A klasse y AA klasse den e mesun aña.

Ademas di e logronan local, Red Machine/ Marlboro tin varios logranan international tambe incluyendo 5 titulo campeon COPA ABC, unico equipo campeon COPA ABC na Aruba, Curacao, St. Maarten, campeon di e Copa Clasico Antillano, participa na World Port Tournament Rotterdam, Hulanda na 1992 y 1996 y titulo sub-campeon na 1996, participa na Haarlem Honkbalse Week na 1997, y participa na Universal Global Tournament na Willington, Tennesse y titula sub-campeon na 1999.

Marlboro Sport Club ta orguyoso tambe cu varios ex-professional players a cuminza nan carera cu nos manera Eugene Kingsale y Rhadames Dijkhoff y varios otro ex-professionalnan cu milita cu nos manera Estefano Croes, Rayborne Didder y hopi mas.

Red Machine kier a recorda pueblo di Aruba cu Red Machine ta un biaha mas den final cuminza cu e prome partido diabierna awor 31 di Maart na Stadion Nadi Croes/ Crismo Angela pa 19:45 contra di nos eterno rival di siglo 212 ATCO Concrete Indians y pues ta invita henter pueblo di Aruba pa e final di nos baseball AA. Chuuuu Chuuuuu

Most Popular

To Top