Volleybal

Venum y POVA Campeonan di Volley

ORANJESTAD – Diaranzon anochi e campeonato di volleyball organisa pa AVA a yega su gran final ora cu e ekiponan di Venum y Pova a titula campeon den A klas masculino y femenino contra di Spartans y YMCA.

Den e categoria masculino e ekipo di Venum ta gana La Fama Spartans cu e score di 3 – 0 y asina bay cu e titulo di campeon. Di otro banda e wega entre e ekipo di POVA y YMCA den e categoria femenino si a bay 5 set unda e ekipo di POVA ta bin gana 15 – 13 pa asina titula campeon un biaha mas.

Mester bisa cu e fanaticadad a responde engrandi cu un publico grandi den Centro Deportivo Betico Croes cu bon ambiente pa cu e weganan final.

Nos di Sports Zone Aruba ta felicita e ekiponan di Venum y POVA cu nan titulo maximo di volley na Aruba. Pabien!

Most Popular

To Top