Baseball

Tremendo Opening Day pa Xander Bogaerts

ORANJESTAD –  Ayera a duna inicio na locual ta Opening Day 2017 pa e ekipo di Boston Red Sox unda cu e astro Arubano y unico pelotero representando Aruba a habri temporada batiando di 6 den lineup y fildiando den short pa e ekipo di Red Sox.

Manager John Farrell a indica cu e cambio den lineup ta muestra di e profundidad cu e ekipo di Boston Red Sox tin y cu probablemente lo analisa durante temporada si Bogaerts lo keda bati na di 6 den e lineup.

Pero pa Bogaerts, Opening Day no por a bai mihor unda cu e ta bati pa 2 hit den 4 turno y ta roba dos base durante di e wega cu nan ta gana cu score di 5-3.

Mester remarca cu Xander Bogaert ta e di dos hungador cu mas hopi hit desde temporada 2015 tras di Jose Altuve di Houston Astros.

Nos di Sports Zone Aruba ta desea Xander Bogaerts tur clase di exito!

 

Most Popular

To Top