Baseball

Homerun di Jair Thompson ta duna Red Machine victoria

ORANJESTAD – Ayeranochi ekipo di Red Machine ta bin di atras y ta gana ekipo di ATCO Indians cu score di 3-2 na momento cu Jair Thompson ta conecta un bataso grandi di homerun den di 8 inning pa asina pone e indjannan lomba contra muraya den e Powerade Playoff Series Final di baseball AA di ABBA.

ATCO Indians ta tuma ventaha tempran den di prome inning tras di un doblete di Jerrold Martijn y na di 3 inning nan tawata gana 2-0 cu bon pitcheo di Carlos Wester. Di otro banda Rolando Bido pitcher habridor di Red Machine a mantene e ekipo di Red Machine den wega te ora cu den di 7,8 y 9 inning ta anota 1 careda pa asina gana e ekipo di ATCO Indians cu score di 3-2. Most Valuable Player a resulta Jair Thompson cu ta conecta di homerun desicivo den di 8 inning.

Red Machine awe diabierna por termina tur cos y titula campeon di Aruba di e campeonato 2016 cu un victoria mientras cu ATCO Indians lo haci todo por todo pa no laga e titulo bai Dakota.

Fanaticonan di baseball local ta keda cordialmente invita pa awenochi 7:45pm bin presencia wega number 6 di e playoff final di Aruba su baseball AA.

Most Popular

To Top