Running

Aruba Bank Walk and Run 2017 SOLD OUT

ORANJESTAD – Ayera a ranca sali e registracion pa locual ta bai bira e di 13 edicion di e Aruba Bank Walk and Run 2017. Y den un tempo record a jega na un total di 2500 registracion pa un sold out completo.

Siguientemente e press release di Aruba Bank su Walk and Run 2017:

Nos ta masha contento di anuncia cu e aña aki atrobe lo organisa nos caminata y coremento, conoci como “Walk & Run”, cu ta cuminsa dialuna 29 di mei, y sigi diamars 30, diaranson 31, y ta culmina diahuebs 1 di juni, 2017 den 4 diferente districto. E slogan di e aña aki ta “Relaxed or Competitive Mode?”.

“Relaxed or Competitive Mode” ta indica, cu no ta importa si bo ta cana of core, si bo ta participa den un relaxed of competitive mode, e evento aki ta pa bo join y have fun. Ademas, Aruba Bank conhuntamente cu DJ 101, a crea un playlist pa gusto di tur “mode” di e participante! Download e App di Aruba Bank Walk & Run 2017, obtenibel pa iPhone y Android. Ademas di esaki e App ta uno unico y prome na Aruba den su categoria caminda cu participantenan por comparti via “Social Sharing” nan resultado “LIVE” riba social media, sigi noticia y informacion di e Walk & Run como tambe disfruta di e numeroso playlistnan cu tin obtenibel ariba e “tool” inovativo aki, y hopi mas.

Algun aspecto nobo cu lo introduci e aña aki pa reduci e trafico riba caminda ta servicio di shuttle bus (horario y rutanan lo wordo publica via nos FB page y App). E evento e aña aki lo ta “Plastic Free”, esaki den cuadro di nos Green Wave efforts pa sostene nos medio ambiente. Pa yuda cu esaki nos ta bai regala tur participante un water bottle, shirt, re-usable string bag, ear buds (limita na e prome 500 participante), y e BIB cu Chip. Durante e evento lo no parti beker di plastic ni tampoco boli, pues, corda trece bo water bottle y refill esaki na e start, waterpost y finish. Tambe un elemento nobo cu lo tin e aña aki ta cu por participa cu Team di 5 participante. E tempo di e mihor 4 participantenan, lo conta hunto como team-effort, y na final, e 3 team nan cu mihor tempo lo sali ganador. Tuma nota cu si ta participa como grupo, participacion como individual lo no ta valido.

Nos ta masha contento cu ta 13 aña caba cu ta organisa e evento cu ta promove salud, conhuntamente cu IBISA, y cu a bira un parti escencial di nan programa comunitario anual. Ta importante pa menciona tambe cu Subway un biaha mas ta uni na e evento, presentando su opcionnan saludabel di cuminda. Nan tambe ta sostene e tema, e iniciativa y sigur tambe representando bida saludabel.

Aruba Bank hunto cu partnernan IBISA y Cuerpo Policial Aruba a delibera y scohe e cuatro (4) rutanan. E prome dia lo sali y termina na e sucursal di Aruba Bank na San Nicolas, e di 2 dia lo sali y termina na Compleho Deportivo na Santa Cruz, e di 3 dia lo sali for di Aruba Bank Paradera Drive Thru Center, y 4 dia lo cuminsa na Centro Deportivo Frans Figaroa na Noord.

Siguridad ta hopi importante, mirando e cantidad di hende cu ta participa. Conhuntamente cu Polis y grupo di boluntarionan lo yuda pa garantisa siguridad maximo riba e rutanan. Tambe nos e evento lo conta cu asistencia di Rode Kruis.

Registracion ta habri desde diamars 16 di mei via walk-and-run.arubabank.com. Registracion ta individual. Bo por registra pa cana, pa coredo of cana/core (indicando cu bo ta core pero mas tanto pa train y recrea, no necesariamente pa competi).

Ta conseha tur hende pa asina registra, paga mesora, pa asina garantisa bo luga (t-shirts sleevless ta limita). E aña aki por paga online via Aruba Bank Online y Aruba Bank App, den e Address Book por scoge “Aruba Bank Walk & Run 2017″. Esaki ta solamente pa clientenan di Aruba Bank. Otro participantenan cu no tin Aruba Bank Online of Aruba Bank App, por paga na IBISA su oficina na Frankrijkstraat of San Nicolas, usando e machin di swipe di Aruba Bank. Inscripcion y partimento di size di shirts ta bay a base di “first come first serve”. IBISA su orario ta di 8’or di mainta pa 4’or di atardi, y diaranson y diahuebs 17 respectivamente 18 di mei, su portanan lo keda habri te 7’or di anochi pa asina facilita e participante.

Tur participante ta ricibi 1 dri-fit shirt, 1 re-usable water bottle (please trece esaki cubo pa usa durante evento), 1 re-usable string bag, 1 BIB cu Chip. Ta corda tur hende pa registra na tempo pa evita cu na ultimo momento ta busca luga pa participa, ora cu tur cupo ta yen caba.

Sigui Aruba Bank ariba Facebook, y tambe download e App di Aruba Bank Walk & Run, pa keda informa cu tur detayes di e gran evento annual aki, Aruba Bank Walk & Run 2017.

Prize money policy:
*To receive the cash money prize, winning participant of the Walk & Run 2017 must be a registered resident of Aruba.
*Pa ricibi e premio di placa cash e participante ganador di e Walk & Run 2017 mester ta registra como residente di Aruba.

Most Popular

To Top