Baseball

Xander Bogaerts ta luci cu Red Sox

ORANJESTAD – Xander Bogaerts por wordo considera un di e mihor shortstop di Grandes Ligas. Ayeranochi e astro Arubano Xander Bogaerts un biaha mas ta luci ora cu e ta bati dos triple contra di St. Louis Cardinals. E di dos triple a bin na momento crucial ora cu Boston tawata atras 4-2, Pedrioa ta embasa cu base por bola y Bogaerts ta pone bala den cura pa asina Pedroia ta anota, Bogaerts ta anota ariba un fly di sacrificio di Andrew Benintendi pa asina Red Sox empata 4-4.

Ta te den di 13 inning cu Boston Red Sox ta anota por medio di un hit di Chris Young pa asina bai cas cu un victoria di 5-4 ariba Cardinals.

Locual ta algo unico pa Bogaerts ta cu e ultimo biaha cu un shortstop di Boston Red Sox a bati 2 triple den e mesun wega tawata na anja 1947 ora cu Johny Pesky ta hunga shortstop.

Xander Bogaerts ta batiando pa un averahe di .338 cu 46 hit den 35 wega, di 5 mihor batiador den Liga Americana.

Most Popular

To Top