Baseball

Subway Series: North league ta domina South 9-2

ORANJESTAD – Ayeratardi a duna inicio na locual ta e Subway Series 2017 di Aruba Little League. E division di Major 11-12 a start sali na Pos Chiquito Ballpark y ta wordo dedica na Sr. Braulio Wester pa su anjanan di dedicacion na e deporte di baseball Little League.

E prome wega tawata entre e ekipo di North league y South league unda cu e ekipo di North league a demonstra di ta superior. Un total di 3 homerun, Shawndrick Oduber, Charlson Croes y Jerrieel Rafael cada uno cu un pa asina pone un total di 9 careda. Pitcher ganador ta resulta Justin Morales cu a bai full e ruta pa duna North league nan prome victoria.

Awe tin wega number dos ora cu Center league enfrenta e ekipo di South league, wega ta 6or na Pos Chiquito Ballpark y fanaticonan ta keda cordialmente invita.

Most Popular

To Top