Baseball

Pelotera Ilajay Tromp ta despedi di baseball

ORANJESTAD – E deporte di baseball ta un deporte domina pa e ser masculino y ta un di e deportenan cu te ainda ta casi exclusivamente pa hende homber. Y ta poco ta e mucha muhernan na Aruba cu ta durf participa entre e mucha hombernan pero cada pasa tanto anja tin un mucha muher cu ta bin pa demonstra otro. Desde su 3 anja Ilajay Tromp ta hungando baseball cu e ekipo di Marlins y awor cu su 13 anja ta hanje obliga di dicidi otro.

Ila Jay hunto cu su manager Baldrick Maduro

Na comienso e no tawata facil pa e mucha hombernan, Ilajay a subi monticulo como pitcher y pa hopi e tawata un berguensa pa ricibi un ponche di Ilajay. Cu anjas e la sa di ricibi hopi respet di su contricantenan paso nan no tawata aprecie solamente pa motibo cu e ta mucha muher sino cu nan tawatin un respet pe paso e ta hunga e wega manera mester ta.

Ila Jay hunto cu manager Elwin Rincones

Ayera, despues di e wega final di Junior, Ilajay hopi emociona a dispidi di e deporte di baseball. Fisicamente e diferencia ta bira grandi pa motibo cu awor e mucha hombernan ta bira mas grandi y fuerte. Ilajay a demonstra cu e tin un amor grandi pa e deporte di baseball. Awor no a keda nada otro pa cambia di baseball pa softball.

Danki Ilajay, bo a haci nos tur mas consciente cu hende muher tambe por hunga baseball. Danki pa a sinja e mucha hombernan respet pa nan contricante no obstante nan por ta mucha homber of mucha muher. Danki pa stima e wega y hunga cu curazon.

Nos di Sports Zone Aruba y Baseball Aruba ta desea Ilajay tur clase di exito y cu su amor pa baseball e lo sa di conquista e mundo di softball!

Most Popular

To Top