Baseball

Subway Series: Center ta gana 4-2 y ta forsa final

ORANJESTAD – E Subway Series di Aruba Little League a continua diamars anochi na Nadi Croes/Crismo Angela Ballpark ora cu North y Center a topa otro den wega number dos di e final “best out of three” den Senior Division 15-16 anja. North league a gana e prome wega diadomingo cu score di 6-4 y tawatin mester solamente un victoria pa caba e serie final pero Center league a bin pa pusha un wega mas.

Tras bon pitcheo di Carl Maduro e ekipo di Center league ayeranochi a logra pusha un ultimo wega pa diahuebs despues di bai cu un victoria di 4-2. Pitcher ganador ta resulta Carl Maduro mientras cu Brandon Rincones ta salba e wega.

Awor serie ta empata na un wega pa banda y diahuebs anochi cuminsando for di 6or lo tin e gran final di e Subway Series di Senior Division 15-16, ganador lo tin e honor di representa Aruba na Saint Thomas den e Latinoamericano di Little League Senior Division.

Most Popular

To Top