Baseball

Clasico Internacional de Beisbol Juvenil 2017

WILLEMSTAD – Komishon organisadó di “Clásico Internacional de Beisbol Juvenil”, ta trata aki di e komishon ku ta organisá e kompetensha di baseball Internashonal pa hóbennan di 15 te ku 19 aña di edat, na Kòrsou di 21 te 30 di yüli awó, a skohe 5 persona pa nan honra.
E 5 personanan aki a duna nan aporte en grande pa nos baseball hubenil en partikular atraves di hopi aña. E komishon a skohe: Gonzalo Cuales, Oswaldo Dulzaidez, Eithel Isebia, Helen Ferdinandus i Carolus Antersijn pa dediká e torneo na nan. Gonzalo a nara baseball na tur nivel i rònt mundu, meskos ku ta e kaso ku Oswaldo ku a kontribuí den narashon di baseball pa mas di 40 aña; Eithel Isebia tambe a nara baseball di mucha pa un kantidat di aña, Helen Ferdinandus ta un trahadó di eks Sedreko, i un persona ku a traha masha duru pa e deporte di baseball i a forma parti di vários komishon organisadó di baseball hubenil durante di hopi aña i Carolus tambe a kontribuí na bienestar di nos baseball den komishon organisadó i a fungi komo delegado di vários selekshon pa masha hopi aña.

 

Most Popular

To Top