Baseball

Biografia di pelotero Sr. Milton Croes

E amor pa baseball a cuminsa den bario di San Nicolaas caminda mi tawata hunga cu muchanan di bario. Nos bat e tempo ey tawata palo di Kerstboom y nos tawata hunga cu bala di tennis.
Cu e edad di 9 aña mi a dicidi di join e team di Banco Barcleys di San Nicolaas bou di e direccion di Sr. Charles Linch. Y akinan mi trayectoria den baseball a cuminsa. Den Banco Barcleys caminda mi a hunga 3 aña for 1977 te cu 1980.

Na e edad di 12 aña mi a bai hunga cu e team di Hotpoint cu Sr. Chibi Willems, Aki mi a hunga tres aña. Esaki ta e anja cu mi bai World Series cu e seleccion hubenil di Little League. Nos a bai St. Maarten y ey nos a gana y a hanja derecho pa bai World Series. Na St. Maarten mi a sali Champion Pitcher. Bou di guia di Sr. Chibi Willems mi a hunga 3 aña for 1980-1982.

Despues di a hunga 3 aña den Hotpoint, mi persona a wordo aserca door di Sr. “Cai Cai” Willems pa asina drenta e organisacion di Sportclub Marlboro y aki mi cuminsa hunga den e ekipo di A-Klas inicialmente. Despues di 1 aña mi a subi AA y akinan mi carera den baseball a cuminsa resalta. Mi a cuminsa AA cu Marlboro na aña 1984 y a hunga te cu 1999.

Militando den AA Marlboro for di aña 1986 te cu aña 1996 nos team a logra coi campion cu e team di AA Marlboro 10 aña consecutivo lidera door di Sr. “Chu” Halabi, Casildo v/d Biezen, Whitey Williams y Sr. “Cai Cai” Williams. Durante mi trayectoria den Marlboro mi a sa di conquista diferente premionan manera, Rookie of the Year na aña 1984 y sali 4 biaha MVP den e trayectoria ey.

Un paar di mi compañero nan den AA Marlboro tawata: Feliz Thiel, Henry Barrera, Sherwin Howell, Nildo Wernet, Franklin Danies, Jimmy Tromp, Fe v/d Biezen, Rudney Lopez, Robert Spencer, Rudy Angela, Garret Briezen, Baldrick Maduro, Lyle Rombley, Erick File, Leugene Eduarda, Fiyo Wester, Erwin Croes, Richard Simon, Eli Kock, Archi Williams, Emiliano Thiel, Roderick Simon, Raymond Didder, Pierre Richardson, Freddy Rafini, Frenk Kock pa menciona
algun.

Un di mi otro logronan pami di mas grandi tambe den mi Historia di Baseball ta dia cu mi a wordo escohi door di IBA abase di mi ERA pa forma parti di e selleccion di All-stars di e western hemisphere na aña 1991. Mi a fungi como pitcher y a hunga den Dodger Stadium na Los Angeles California. Esaki tawata e highlight den mi carerra como beisbolista amateur.

Eynan mi a topa cu tur e miho hungadornan di Seleccion di mundo den baseball amateur. Tawata un momento grandi y igualmente inolvidabel pa mi. Mi kier a gradici un y tur for di mi curazon cu a judami jega eynan (IBA World All-Star Game) DANKI mi Brothernan.

Un otro logro cu pami ta grandi ta cu mi ta e unico persona na Aruba cu a bai World Series Little League, Senior League, como hungador, coach y Manager cu tambe ta un honor grandi pami.

CV:
– Na 1991 mi a sali Atleta di aña di Aruba (Aruba Sports Award)
– 2017 Dedicashon di Campeonato di Baseball
– Y algun otro reconocimentonan mas durante mi trayectoria di baseball como 4 biaha MVP.
Algun di mi viajenan cu Team Marlboro y cu Seleccion di Aruba.
– 1982 World series Indiana (como hungado)
– 1984 Ultimo Seleccion di Antiyas
– 1990 Guatemala Pan American Games
– 1991 Cuba Pan American Games
– 1991 IBA World All-Star Games na Los Angeles Dodger Stadium
– 1993 World Port Tournament Rotterdam (a gana e all-star di USA cu tawata invicto y a
forza un wega final)
– 1995 World Port Tournament Rotterdam
– 1996 Haarlem Baseball
– 2003 Mexico Monterey, seleccion di Aruba como Pitching coach
– 2009 World series Bangor Main (como coach)
– 2010 World series Bangor Main (como coach)
– 2011 World series Bangor Main (como manager)
– Campeon cu Seleccion na Guatemala (Aruba)
– Campeon Copa Antillano Curacao (Marlboro)
– Campeon World Series (Aruba)
– Seleccion na Venezuela
– Seleccion na Cuba
– Seleccion Aruba Mexico

Un otro punto cu ta jena mi cu orguyo den mi trayectoria di Baseball ta cu na aña 1999 a mi persona a funda North Indians Baseball Organization y tambe na aña 2007 a funda Marlins Baseball Organization cu awe ta Blue Marlins Baseball Organization un organizacion cu tin un farm system di muchanan di 5 aña te cu A / AA-Klas.

Mi kier a jama un danki na mi mayornan cu for di inicio a wak e amor di baseball den mi y cu a steun den mi Carrera di baseball, na tur coach cu a contribui na educami y sinja mi tur locual mi sa di baseball y a juda forma mi. Na mi Famia, mi casa y mi yuinan cu a comparti mi passion di baseball un danki grandi. Miemkbro nan di prensa cu semper a laga mi briya den spot light y tambe por ultimo ABBA. Pa a duna mi un reconocemento cu mi a spera di hanja den mi bida caminda mi ta contento y ta orguyoso di e trabow cu nan ta bin ta hasiendo den organisa y
structura baseball back.

Un biaha mas Masha Danki!

Most Popular

To Top