Baseball

Aruba preparando pa qualificacion di baseball WBSC na Republica Dominicana

ORANJESTAD – E seleccion nacional di baseball di Aruba tin anjas cu no a sali di Aruba pa hunga wega internacional. Awor despues di hopi anja a presenta e oportunidad unico pa por participa na e WBSC Central American and Caribbean Qualifiers cu lo tuma lugar na Republica Dominicana di 27 di October pa 2 November proximo.

Aruba lo bai conta cu varios hungador firma cu a confirma nan participacion na e seleccion di Aruba. Pitcher Ryan Oduber firma cu Red Sox, Gillian Wernet firma cu Orioles a confirma nan participacion mientras cu na Aruba Kelvin Silvania y Jourick Blanco ambos tawata firma profesionalmente.

Nos a compronde si cu e seleccion aki lo no conta cu sosten financiero di Commision di Subsidio di Aruba segun Amateur Baseball Bond Aruba. Aruba despues di hopi anja tin un chens special pa subi ranking internacional di World Baseball and Softball Confederation.

Nos ta hanja e noticia aki sumamente lamentabel y ta spera un reaccion y motibo di Comission di Subsidio. Aruba ta conta cu talento den e deporte di baseball cu lo por haci un bon papel pa pais Aruba.

Ehecutivo cu Baltimore Orioles Calvin Maduro ta specialmente na Aruba ta dunando un man na e seleccion nacional, hunto cune e ex-Grandes Ligas cu e ekipo di Baltimore Orioles Melvin Mora tambe ta yudando e seleccion nacional di Aruba cu e plan di entrenamiento.

Un oportunidad unico, den bon of den malo lo tin cu bai busca manera pa competi na Republica Dominica.

Most Popular

To Top