Baseball

Justin Turner y Kenley Jansen liderando LA Dodgers

ORANJESTAD – E ekipo di LA Dodgers tin mas profundidad cu e team di 2016. Nan ta ariba 2-0 den e serie contra di Chicago Cubs despues di un walk off homerun di Justin Turner.

E diferencia grandi e anja aki compara cu anja pasa ta e 3 agente liber cu nan a mantene durante di offseason.

E pitcher Rich Hill cu a pitcha un tremendo wega number 2, Kenley Jansen y Justin Turner a termina e partido, Jansen pitchando y Turner na bate.

Despues di e victoria di 4-1 ariba Cubs diadomingo anochi, Jansen y Turner tawata sinta den e press room tras di tercera base den Dodgers Stadium, mescos 9 luna prome unda conhuntamente nan a tene nan conferencia di prensa pa annuncia nan contract nobo.

Turner y Jansen officialmente no a tuma e desicion te despues di bruid di Kenley Jansen na Curacao. Ta na momento cu nan tawata corta cabey ta unda nan a papia di con nan a jega Dodgers y con bon e grupo di pelotero ta cu e momento ey nan a tuma e desicion.

Jansen facilmente por wordo considera un di e mihor closer den MLB, e la pitcha den tur wega di playoff pa Dodgers te na e momento aki. Jansen ainda ta corda su performance di e anja anterior.

Esey mes a pone tur cos den plan y movecion. Jansen na December a sinti un convicion fuerte cu lo e desea di keda cu e unico ekipo cu e la conoce, mientras cu Justin Turner si tawatin perspectiva di diferente ekipo.

Te e momento ey, unda nan a corta cabey hunto ora nan a reflexiona ariba nan experiencia na Los Angeles y kiko e ta significa pa ta un Dodger y con bon e organisacion y su hendenan ta cu e realisacion a jega.

“Mi a bise riba dansvloer, mi a bise, I’m coming back.” asina Turner a bisa Jansen.

Siguiente dia Turner a viaha pa Aruba unda cu sinta na beach e ta lesa ariba Twitter cu Jansen a tuma e desicion di keda cu e ekipo di Los Angeles Dodgers.

Awor hunto nan ta liderando e ekipo di LA Dodgers pa un World Series.

Most Popular

To Top