Baseball

ABBA: Selecion di U12 a sali pa Nicaragua

ORANJESTAD – Diahuebs e ultimo selecion nacional di Aruba U12 a sali pa Nicaragua pa e pre-mundial, weganan Panamericano, di baseball. Mester remarca cu despues di varios aña, Aruba ta bolbe manda un selecion nacional pa un pre-mundial y e directiva di ABBA ta orguyoso di esaki hunto cu e aporte di Subsidie Commissie. E desfile y e prome weganan lo a tuma lugar diasabra caminda Aruba lo tin dos partido y diadomingo un otro. Un total di 9 equipo lo ta participando cu e ta inclui Panama, Brasil, Republica Dominica, Argentina, Nicaragua, El Salvador, Costa
Rica, Peru y Aruba.

E selecion nacional tawata den training intensive e ultimo luna guia dor di entrenadornan nacional di Aruba sanciona pa Subsidie Commissie. Tambe ta importante pa nota cu Aruba ta ranked # 74 actualmente y dor medio di e actuacion di Aruba, e ranking lo por subi.

E directiva di Aruba ta desea e selecion nacional tur clase di exito. Pa mas informacion di Amateur Baseball Bond, ABBA, e federacion nacional di Aruba su baseball, subi nos webpage www.arubabaseball.org of nos facebook page na www.facebook.com/arubabba.

Most Popular

To Top