Baseball

Hensley “Bam Bam” Meulens ta promove cu SF Giants

ORANJESTAD – Hensley “Bam Bam” Meulens a habri caminda pa varios pelotero aspira na hunga baseball profesional. E tawata e prome hungador Antiyano cu a subi Grandes Ligas y cu e ekipo di New York Yankees.

Desde 2010 e ta fungi como hitting coach cu e ekipo di San Fransisco Giants, unda nan a logra titula campeon na 3 ocasion. Awor e ekipo di SF Giants a promove su persona di hitting coach pa bench coach pa e Manager di SF Giants Bruce Bochy.

Awor cu Yankees ta enbusca di un manager nobo, algun ta pensa cu Meulens lo por ta un tremendo fit cu e ekipo di Yankees.

E ta posee di bon communicacion, bon presencia, un bon mentor y personalidad, e la sinja hopi di e legendario Bruce Bochy y San Fransisco Giants durante nan temporada di campeon mundial. Meulens tambe ta actual manager di Kingdom of The Netherlands, a jega di maneha na Venezuela, a hunga outfield pa Yankees y ta papia diferente idioma.

Pero niun hende no a pense ainda, di otro banda tin un otro idea, Meulens por bira e siguiente manager di San Fransisco Giants.

Bruce Bochy tin dos anja mas di contract y despues di esey ta Hall of Fame. Bochy mag di sali riba su termino y Giants mester ta cla pa ora e dia ey jega.

Awor cu Meulens lo asumi e responsabilidad di ta bench coach lo Giants evalua si enberdad e ta cla pa tuma over como manager. E ta logico pa e gerencia di Giants pa Meulens sigui sinja e trabou di Bruce Bochy y si tur cos bai bon, eventualmente lo bira manager.

Pa e ekipo di Giants, lo ta mihor e keda San Fransisco y no bai New York.

 

Most Popular

To Top