Baseball

ABBA ta lanza su website nobo

ORANJESTAD – Despues di un par di luna ta structura e pagina virtual di Amateur Baseball Bond Aruba, ABBA ta
orguyoso di anuncia cu nan pagina virtual www.arubabaseball.org ta live. Un idea cu ta den e
planes di e directiva actual desde aña pasa ta logra concretiza aworaki. Mester sigur menciona cu
e pagina virtual aki ta mas cu un pagina, e ta un database di equipo y hungadornan na un
caminda central. No solamente tin information di e federacion nacional, pero tin information di
tur equipo di Aruba. ABBA ta spera di por sigui traha cu otro liganan pa asina e data y
informacion tambe por ta available riba e pagina aki pa e desaroyo positivo di e deporte di
baseball en general!

Tin varios stapnan cu a wordi hasi pa asina por promove e adelanto di e parti
administravo di ABBA caminda e registration di e equiponan di liga Menor a wordo purba como
un pilot project. Den futuro tur registracion di tur equipo, lo bay via e website aki y no via email
of papel mas. Ademas e schedule di tur liganan ta wordo lanza riba e pagina caminda tur scores,
stats, y standings lo por wordo poni. Maske, nos no a llega e fase ey ainda, pero e intencion ta
paso e structura ta poni den su lugar, pa tur wega lo bay ta available pa wak live via e Iscore
application.

Por ultimo, e great tambe ta cu cada team por administra nan equipo y hasta e pagina
como nan systema di communication. Si nos tuma e organizacion di Grasshoppers como
ehempel, nan a logra pone potret di casi tur hungador riba e pagina virtual caba. Nos ta invita
henter pueblo di Aruba y fanatico di baseball pa bishita nos pagina pa asina bo por ta al tanto di
tur informacion.

Pa mas informacion di Amateur Baseball Bond, ABBA, e federacion nacional di Aruba su
baseball, subi nos webpage www.arubabaseball.org of nos facebook page na
www.facebook.com/arubabba.

Most Popular

To Top