Baseball

Welcome Blue Owls Baseball Organization na Little League 2018

ORANJESTAD – Blue Owls Baseball Organization ta preparando pa cu e siguiente Campeonato di baseball Little League 2018. Nos organisacion BLUE OWLS BASEBALL ORGANIZATION ta uno nobo pero lo continua den a tradicion di ex-Pepsi Cola. Den pasado e organisacion a produci varios pelotero talentoso y renombra na Aruba, algun a sobresali hungando den exterior y hasta den Major League Baseball.

Nos staff tin hopi anja ta juda muchanan pa hunga y sinja baseball. Nos meta ta ta nan sinja e fundamento teóretico y práctico di e deporte di baseball, pa e mucha tin un lifestyle activo den un ambiente sano, pa desaroya disciplina, norma, balornan, y pa traha den un team.

Nos ta ofreciendo e oportunidad aki na muchanan registra den e area di San Nicolas, Brazil, Savaneta y Pos Chikito pa join nos den e aventura aki.

BLUE OWLS lo cuminsa cu categoria di edad 9/10 y 11/12, muchanan naci na anja 2006, 2007 y 2008 (prome cu September 1) nos ta invita bo pa un try-out tur diamars y diahuebs den e luna di November na veld di Pepsi Cola situa na Juana Mortostraat # 116 cuminsando 5:00 pa 7:00pm

E oportunidad aki ta unico y tur mucha cu ta gusta y kier hunga baseball y ta dispuesto pa sinja e deporte aki ta WELCOME!

Nos ta conta cu coachnan cu hopi experiencia y cu conosemento profesional di e deporte aki.

Pa informacion adicional sinti liber y tuma contacto cu:

Manager: Sr. Herman Brown Tel: 592-2587

Trainer: Sr. Juan Maduro

Sr. Rudolf Werleman

Most Popular

To Top