Baseball

HammerSharks Baseball Organisation Tryouts December 7

ORANJESTAD –  Organisacion di HammerSharks lo ta organisando tryouts preparando pa e temporada di Little League 2018. Baseball ta un deporte hopi popular na Aruba, muchanan ta entrena y desaroya no solamente fisicamente, pero tambe mentalmente.

Nos organisashon ta ofrese baseball recreativo y competitivo, cual ta algo comun den paisnan mas grandi y ta un necesidad pa nos isla tambe. “Nos muchanan ta have fun ora di training y ora di wega, gana of perde. Esey ta algo cu nos ta enfoca ariba dje atraves di e coaching staff. Nos organisashon ta traha semper cu e muchanan na prome lugar, nos coachnan ta serio, cualifica y cu hopi dedicashon y amor pa e deporte di baseball.” Gregory Milano president di e organisashon ta elabora.

Recientemente un gran mayoria di nos coaching staff a atende e coaches clinic organisa pa Baseball Aruba, cu e meta pa sigui desaroya nan mes pa por sigui desaroya e muchanan. Tur mucha ta bon bini y lo no wordo nenga e oportunidad pa siña y alabes disfruta di e deporte di baseball. Si bo jui, sobrino, nieto of amigonan di cas ta gusta e deporte di baseball y ta interesa pa join un team serio y cu coachnan cualifica esaki ta e chens. E unico rekisito ta cu e yui mester tin smaak y ta dispuesto pa sinja e deporte, cu ta yuda entre otro na fortifica e hungador su disciplina
y ta siñe traha den team.

HammerSharks tin teamnan den diferente edadnan di categorianan, diahuebs awo dia 7 di december entre 4:00 – 7:00 lo tin tryouts pa e categoria 13/14 y den januari lo resumi cu tryouts pa e categorianan 5/6 y 7/8. Muchanan di 13 y 14 aña biba den e area di Noord y Oranjestad un parti ta keda cordialmente invita pa pasa na veld di Calabas pa un tryout.

Pa mas informacion y registrashon por yama of whatsapp na cell#:592-9280, contact nos via nos
Facebook Hammersharks Baseball Organisation of email: hammersharksbaseball@gmail.com

Most Popular

To Top