Baseball

Andruw Jones mester drenta Baseball Hall of Fame

ORANJESTAD – Andruw Jones su nomber lo aparece pa prome biaha ariba e lista di nominado pa drenta e Baseball Hall of Fame na 2018. Tin un duda rondonando e escritonan deportivo Americano cu Andruw Jones lo no drenta e tan afama Salon de la Fama.

Tur cos a pasa asina lihe, apenas Baseball America a apunte como e “Top Prospect” di baseball na anja 1996, e mucha homber di apenas 19 anja di hermana isla Curacao, Andruw Jones tawata rumbo pa Durham Bulls, clase A afilia di Atlanta Braves. Ya pa Augustus, e la promove na tres occasion, pasando door di Carolina League, Double A Southern League y Triple A International League pa asina bin debuta cu e ekipo campion actual es tempo ey di baseball Atlanta Braves. October 20, cu apenas 31 wega di temporada regular na su nomber, e la bira conoci rond di mundo, e hoben mas jong cu ta bati homerun den un wega di Serie Mundial kibrando e record di Mickey Mantle, anto no 1 sino 2 biaha y den Yankees Stadium.

Andruw Jones no a gana e “Rookie of the Year” na 1997 pero hunto cu Chipper Jones y e elenco di e tres pitcher grandi di Greg Maddux. Tom Glavine y John Smoltz, nan a bira un standard den baseball ganando 14 titulo di National League East di 1991 pa 2005. Di unda Andruw Jones a sa di gana 10 premio di Gold Glove sigui, mas cu cualkier centerfield den baseball cu excepcion di Willie Mays.

Na final di 2006, Andruw Jones a finaliza cu 342 homerun y 1,556 hit y tawata mustra cu lo drenta e Cooperstown Baseball Hall of Fame facil. Pero un anja no mucho bon a mande Los Angeles Dodgers, y aki ta unda tur cos a cambia. Andruw a pasa su ultimo 4 anja cu 3 diferente ekipo incluiendo New York Yankees. Cu su 35 anja e la dicidi di bai Japon y pa purba jega Grandes Ligas back pero cu su 39 anja e ta termina su carera, un final cu awor ta stroba su chens di drenta Hall of Fame.

Awor ta sigui mi caso pakiko Andruw Jones mester drenta e Baseball Hall of Fame.

  1. Un total di 10 Gold Glove sigui. Andruw Jones a laga e posicion di centerfield mustra facil, cu su defensa so durante e temporada di gloria di Atlanta Braves ta merito suficiente pa e por drenta e Hall of Fame.
  2. Un batiador di poder. Andruw Jones a termina su carera cu un averahe di .254 cual no ta den su favor pero ora bo mira cu e tin mas homerun cu e mihor hitting catcher di tur tempo Mike Piazza anto no por tin discussion, su bateo ta merito extra.
  3. Un orguyo pa nos paisnan. Andres Jones, tata di Andruw ta bin di e bario di San Nicolas, Aruba. Na Aruba mescos na Curacao, e hobenan den e deporte di baseball tawatin un idolo den Andruw Jones cu tawata sigui su pasonan atrabes di TBS. Na un edad hopi hoben, e la sa di demonstra cu na cada nivel, te na e nivel mas halto di baseball Grandes Ligas no tawata problema pe.

Pesey nos di Sports Zone Aruba no tin duda cu e astro di baseball na Curacao, Andruw Jones merece di ta den e Cooperstown Baseball Hall of Fame, si no ta otro anja lo e drenta eventualmente.

Most Popular

To Top