Weightlifting

Hugo Themen referee Internacional na IWF World Weightlifting Championships na Anaheim, California

ORANJESTAD – For di Internacional Weightlifting Federation , Aruba Amateur Weightlifting Association a ricibi un invitacion official pa Sr. Hugo Themen bin traha como referee den e IWF World Weightlifting Championships cu a tuma lugar na e ciudad di Anaheim, California, Estados Unidos for di 28 november pa 5 december 2017. E magno evento mes a tuma lugar den un de e salanan di Anaheim Convention Center. Den e Campeonato Mundial no menos cu 42 referee internacional a wordo invita pa bin dirigi e campeonato Mundial aki. E estadia di e referee nan tabata den hotel Great Wolf Lodge na Anaheim. Tambe Hugo a participa na Congreso di International Weightlifting Federacion cu tabata di sumo importante pa nos federacion. Esaki tambe a tuma lugar den un de e salanan di Anaheim Convention Center.

.
Aruba Amateur Weightlifting Association kier a gradici Sport Subsidie Commissie y Lotto pa Deporte cu a cubri e viaje y kier a manda palabra di pabien na Sr. Hugo Themen cu a fungi como referee internacional den e IWF World Weightlifting Championships na Anaheim, California, Estados Unidos.

Most Popular

To Top