Baseball

Aruba North Little League (ANLL) cla pa traha y engrandese baseball, e deporte cu nos tur ta stima.

ORANJESTAD – Recientemente Aruba North Little League (ANLL) a instala su directiva nobo y a presenta na e cuerpo tecnico di ANLL e directiva, plan di trabao, responsabilidad di miembronan y palabracionnan pa e temporada di 2018.

E directiva ta consisti di Melvin Quilotte como president, Lisa Giel secretario (comp-leider 15-16), Xiomajra Rafael tesorero (comp-leider 13-14), Jose Franken vice-president, Gregory Chirino statistics/website (comp-leider 9-10), Jo-Anne Croes PR & Marketing, Joanne Bruin, Shalitza Dabian y Magaly Webb (comp-leider 11-12)
como miembro general di directiva.

Despues di a eligi e directiva a sinti e necesidad a base di un vision cu metanan nobo pa trece cambio y desaroya un logo nobo pa e liga. Nos kier a gradici esnan cu a percura pa e logo anterior pa nan vision.

E logo nobo tin e siguiente segmentonan y definicion:
1. A usa e colornan Blauw scur, Cora y Blanco di e logo oficial di Little League internacional
2. A trece e colornan Blauw di bandera di Aruba pa indentifica nospais unda cu nos bay represente. A combina esaki cu e otronan colornan di nos bandera
3. E compas ta representa e 4 cuater direcionnan di unda nos muchanan ta bini pa participa den e programa di Little League, en particular Aruba North Little League cu ta wordo accentua cu e color Cora mustrando ariba;
4. E border Shinishi di e logo ta representa bounderies di e liga
5. E imagen di e mucha homber ta representa e pelotero di baseball den e programa di Aruba Little League pa 60 aña y contando
6. E imagen di e mucha muher a wordo añadi na nos liga representando nos meta di bini cu softball pa mucha muher den nos liga den un periodo corto nos dilanti

Directiva di ANLL kier informa cu e fecha pa entrega roster di Junior y Senior ta 15 di December 2017. Ta pidi pa entrega riba 5 di januari 2018 sea copia di passport of papel di censo di Awg 5.00 y Awg 25.00 di inschrijfgeld. Campeonato di Minor y Mayor ta poni pa cuminsa dia 16 di februari 2018. Y e fecha pa entrega roster y
copia di passport of papel di censo di Awg 5.00 ta 20 di januari 2018.

Ta hasi un yamada na e comunidad di Aruba pa inscribi tur mucha di edad 4+ cu ainda no ta practicando e deporte di baseball pa trece e muchanan y laga nan cuminsa train den januari. E programa di Little League tin como lema, caracter, curashi y lealtad y ta ofrece un cantidad grandi di experiencianan unico y benefisioso pa nos muchanan y nos comunidad. Cuminsa informa awe mes di teamnan den bo bario y trese e yui, nieto/a, subrino/a y bisiña pa hasi su promesa.

I trust in God – Mi ta confia den Dios
I love my country – Mi ta stima mi Pais
And will respect its laws – Y lo mi respeta su leynan
I will play fair – Lo mi hunga eerlijk
And strive to win – Y hunga pa gana
But win or lose – Pero gana of perde
I will always do my best – Semper lo mi hasi mi best

Aruba North Little League ta cla pa desafionan nobo y ta cla pa traha hibando e deporte di baseball pa dilanti. Abo kier yuda y kier forma parti di ANLL pa engrandese nos mundo di baseball y softball? Keda den contacto cu nos via nos facebook page: @ANLL.ARUBA

Most Popular

To Top