Swimming

Barracudas Synchro Aruba su atletanan a landa mas cu 5,000 laps den dos ora!

ORANJESTAD – Diasabra ultimo a tuma lugar e di 5 aquathon di e unico club di synchro, di Aruba, Barracudas. E meta principal di e Aquathon ta pa recauda fondonan cu ta yuda e atleta representa Aruba na competencianan den exterior. Un total di 30 atleta a participa landando 2 ora consecutivo pa asina logra mas laps posibel.

Den 2018 nos atletanan lo forma parti di e siguiente competencianan:
CARIFTA (Jamaica), CCCAN (Aruba), UANA (California, USA) y CORAL SPRINGS (USA) pa menciona algun.

Durante e evento aki e atletanan a landa un total di 5,157 laps!!!!!
Un danki ta bai na TUR persona y of compania cu a sponser un atleta y a contribui na yuda nan hasi un soño bira realidad. E atletanan por sigui busca sponser te cu dia 28 di februari y nan tin tempo ainda pa colecta e donacion di e sponsers. Mas hopi e atleta colecta, mihor p’e! Asina ta, NO descurasha, ainda tin tempo pa sigui colecta.

Riba nos facebook page Barracudas Aruba por admira mas imagen di e evento aki y e bon ambiente cu tabata reina. Mayornan, Welo- y Welanan, amigonan y conocirnan a bini hunto pa apoya nan Barracuda preferi.
Un PABIEN ta bai NA TUR ATLETA di parti directiva di Barracudas Aruba.

Ken nos ta?
Barracudas Aruba desde 1974 a introduci e comunidad di Aruba na e bunita deporte di natacion sincronisa cu e meta principal pa brinda atletanan oportunidadnan pa desaroya y prepara nan mes den e deporte pa competencianan international. Den 2017 a introduci e opcion pa hasi natacion sincronisa pa recreacion, dunando shownan local un biaha pa aña. Tambe a habri e deporte pa mucha homber por participa mirando e desaroyo den e deporte internationalmente. Pa mas informacion por bishita nos riba Facebook @barracudas.aruba, Instagram Synchro Aruba of Website: www.baracudas.com

Most Popular

To Top