Running

RCA a cumpli 84 aña y ta celebra esaki cu un grandioso caminata 4 di maart.

ORANJESTAD – Sport Vereniging Racing Club Aruba a cumpli 84 aña 15 di februari ultimo. Enconecshon cu e aniversario directiva ta organisa e di 7 edishon di e ya popular POWERADE 8K Run & Fun-Walk. E aña aki e fecha ta diadomingo 4 di maart y salida ta 6:30 di mainta enpunto for di RCA ARENA y ta yega bek na RCA.

Inscripshon ta solamente Awg 25.00 na Ibisa y bo ta ricibi un bunita royal blue jersey, medalla pa tur participante cu yega final, fruta fresco, refreshment, sandwich hapjie, massage station, bo bib#, door-prizes y premio pa e ganadornan den categoria Caballero Open y Dames Open.

Tambe lo tin waterpost Thrillwalkers, Rode Kruis, e Motor Unit pa cuida tur skina, sonido di High Performance cu presentashon di e international DJ SKY y animashon di legendario MC Roberto Geerman.

RCA ta jama bon bini na CARIBBEAN MERCANTILE BANK nv cu ta join e fundraising event y LOTTO pa DEPORTE e Loteria di Aruba contribuyendo na deporte. Un danki tambe na Tropical Bottling Company, Fruteria Virgilio, Calloway Corporation, On the Rocks Cafe, The Old Fisherman, Toni Romas, Penha Aruba, Purely Green y Sport Caribe.

Most Popular

To Top