Taekwondo

Atleta di Taekwondo Jenniffer Baez Garcia a gana oro na Open Mexico

ORANJESTAD – Diahuebs mainta, 8 di maart, atleta di Taekwondo, Jennifer Báez García a gana medaya di Oro den modalidad di Pumsee, durante e Open di Mexico, na ciudad di Monterrey.

E modalidad di Pumsee o Forma, ta un combinación di defensa, atakenan y posicionan, realisa den un forma especifico, contra varios contrincantenan imaginario. Cada Pumse tin un nificado filosófico di e tradición y cultura di Korea.

Despues di un excelente participación den Clasificatorio pa Weganan CAC unda Jennifer a keda number 4 den su categoría, Jenniffer a participa den e Open di Mexico kedando na prome luga den categoría Femenino, Pumsee Individual Tradicional – 40 anja, por encima di e atletanan di Mexico.

Durante su careda como atleta Jennifer a cuminsa den modalidad di Kyorugi ( Combate). Un par di anja atrás, a cambia pa e modalidad de Pumsee.

Jennifer actualmente bibando na Ciudad di Monterrey, Mexico, lo mira acción atrobe awe 9 di Maart, pero compitiendo cu un partner di Mexico den modalidad pair y cu dos atletas mas di Mexico den modalidad Tercia.

Aruba Taekwondo Bond ta yama pabien na nos atleta Jennifer Baez Garcia, pa su logronan, en especial ariba 8 di Maart dia di hende muhe.

Most Popular

To Top