Baseball

STARS CMB Y QCC GRASSHOPPERS CU PROME VICTORIA

SANTA CRUZ – Ayeranochi den un Nadi Croes/Crismo Angela Ballpark bon atendi e bataya pa e titulo a cuminsa, e faboritonan a sa di domina. Stars CMB ta gana e ekipo di Blue Marlins Taco Bell cu score di 4-0 unda cu e pitcher ganador a resulta Harbersting Abreu mientras cu Jerieel Rafael ta perde. Mihor batidornan pa Stars tawata Edguard Winterdaal Jr. cu 1-1, Kendrey Maduro di 2-1 y BJ Rincones di 3-1. Pa Blue Marlins Shawndrick Perez tawatin e unico hit.

Den e di dos partido e ekipo di QCC Grasshoppers ta gana e ekipo di Hammershark Tire4Less cu score di 6-2 cu tremendo pitcheo di Shawn Bareno cu ta tira un total di 10 ponche y ta permiti solamente 1 hit. Mihor bateador pa Grasshoppers a resulta Axel Kelly di 2-2 y Nathan Cruz cu a bai di 3-1 mientras cu Justin Morales a dal e unico hit contra di Bareno.

Weganan di Junior ta sigui awe na Centro di Bario Noord pa 10:30 e prome wega y despues pa 1or e di dos wega. Fanaticonan di baseball Little League ta keda cordialmente invita pa bin apoya nos hobenan den e deporte di baseball.

Most Popular

To Top