Baseball

Stars CMB y QCC Grasshoppers den e gran final di Junior

ORANJESTAD – Di tempo nan ta den e categoria di 5-6, e dos organisacionan aki a competi na varios occasion pa e titulo maximo. Awor cu nan ta den e division di Junior 13-14 anja lo no ta excepcion.

E ekipo di Stars diadomingo mainta e termina e speransa di Blue Marlins cu score di 12-0. Pitcher ganador a resulta BJ Rincones cu por cierto a juda su mesun causa cu un bataso di 4 skina, tambe Garret Arias ta connecta un homerun den centerfield.

 

Despues e ekipo di QCC Grasshoppers a sigui contra e ekipo di Hammershark cual nan tambe ta gana 5-0. Pitcher ganador a resulta Marshall Alberts.

 

Diabierna awor e dos ekiponan aki lo enfrenta otro den Nadi Croes/Crismo Angela Ballpark na Santa Cruz den un serie “best out of three” pa asina mira ken lo bira campeon di Aruba.

Fanaticonan di baseball di Aruba ta keda cordialmente invita pa asisti y apoya nos hobenan den e deporte di baseball.

Most Popular

To Top