Futbol

Diasabra awo ta e Gran Clasico di Aruba

ORANJESTAD – Diasabra anochi 8:30 na vispera di e Clasico di Spaña, na Aruba e dos ekiponan cu mas historia ta topa otro,  Soldatnan Tricolor RCA “Big Wheel Lottery poweŕed by Powerade” vs Abejanan Brabo di Dakota. E Gran Clasico local cu ta e promer pa 2018 lo ta den Centro Deportivo Guillermo Prospero Trinidad. Pa RCA un wega importantisimo pa termina campeonato regular cu 31 punto, cu e miho average di gol y posibilidad di clasifica pa playoff.

Pa Dakota cu ya ta den playoff tambe importante pa purba conquista e titulo di #1 campeonato regular 2017-18. Directiva di s.v. R.C.A. ta invita e famia tricolor pa yega y yena stadion cu e ambiente positivo di custumber. Durante half time lo rifa premios. Tambe directiva ta felicita team Dames RCA “Neutrogena” cu a clasifica den gran forma pa playoff y U17 RCA “Interprint” cu tambe drenta playoff invicto.

Tur otro divishon y ekipo Tricolor cu a lucha duro durante 2017-2018 masha pabien exito den playoff y danki na tur Team Leaders, Coaches, Majornan y e fanaticada cu ta sostene y apoya dia den dia afo di chikitinnan te veteranos di Inter

Most Popular

To Top