Baseball

Aruba North Little League (ANLL) satisfecho cu e campeonato tras di lomba y ta cla pa weganan di Interleague

ORANJESTAD – E Campeonato di Aruba Little League (ALL) dedica na Sr. Braulio Wester q.e.p.d ta tras di lomba. E campeonato di Senior y Junior a wordo hunga landelijk den cual tur team di e tres liganan a hunga contra otro, mientras minor y major a hunga dentro di liga. Weganan di final tawata hopi emocionante y e publico a
disfruta di tur e weganan.

Resultadonan di 9-10 aña (Minor), 11-12 aña, 13-14 aña (Junior) y 15-16 aña (Senior)
ta lo siguiente:

Aruba North Little League Minor Division:
Campeon: Hammersharks Maduro Logistics Services
Manager – Jorge Petrocchi, Coaches – Maximillion Irving y Edgar “Gachi” Croes
Sub-Campeon: CBN Eagles / Hammersharks
Manager – Michael Faro, Coaches – Michael Solognier y Raymond Danje

Aruba North Little League Major Division:
Campeon: Blue Marlins Banco di Caribe
Manger – Ludwin Dabian, Coaches – Aleric Kock y Hector Winterdal
Sub-Campeon: Aruba Juniors Paradise Beach Villas
Manager – Severo Hernandez, Coaches: Leuris Alcantara y Omar Ortiz

Aruba Little League Junior Division:
Campeon: Stars CMB (ACLL)
Manager – Elwin Rincones
Sub-Campeon: Grasshoppers ATCO (ACLL)
Manager – Antoine Kelly

Aruba Little League Senior Division:
Campeon: Blue Marlins Gatorade (ANLL)
Manager – Roderick Simon
Sub-Campeon: CBN Divi Impact (ANLL)
Manager – Eugene Helder

Presidente di Aruba North Little League, Sr. Melvin Quilotte ta comparti: “Nos ta wak atras ariba un campeonato exitoso, semper tin espacio pa mehora, pero sigur satisfecho cu e luna nan tras di lomba. Nos kier a felicita no solamente e ekiponan campeon, pero tambe tur hungador, manager y coach cu ta practica e deporte di
baseball ariba nos isla. Baseball ta depende ariba e tempo valioso di tur esnan cu ta yega veld y/of di un of otro manera ta dedica nan tempo liber na e bienestar di e muchanan. No lubidando mayornan, wela-y welonan, y tur famia y amigonan cu ta apoya e hungadornan.”

ANLL kier a hasi un invitacion na e pueblo di Aruba pa bin presencia e weganan di Interleague den Junior y Senior division cu ta inicia diahuebs dia 10 di mei. Den Senior division North League vs. South League lo enfrenta otro pa 10:00am na veld di Nadi Croes/ Crismo Angela. Sigui pa North League vs. Center League den Junior division pa 1:00pm.

Alavez kier a tuma e tempo pa gradici tur cu a contribui na e exitoso Baseball Bingo cual a surpasa tur expectativa. Un danki especial na nos sponsor nan di doorprizes: Ferm Caribbean Trading, Marina Pirata, Aruba Marriott Resort & Casino y Fofoti Tours & Transfers.

Pa mas informacion por bishita nos riba facebook: @ANLL.ARUBA

Most Popular

To Top