Baseball

JLWS: Walkoff BJ Rincones Aruba ta gana Mexico 3-2

TAYLOR – Un emocion un biaha mas, ora cu e ekipo di Aruba a bataya te den extra inning pa a logra gana nan prome partido den e Junior League World Series aki na Taylor, Michigan USA. Pitcher habridor Shawn Bareño den di dos inning ta confronta problema y Mexico ta anota e prome dos caredanan. Den bom di 4 inning, BJ Rincones ta bin anota e prome careda di Aruba ariba un wildpitch y Kendrey Maduro ta empata e wega ora cu Mexico ariba un mal pickoff na primera.

Pitcher di Aruba, Shawn Bareño hermetico contra Mexico.

Den di 7 inning Aruba ta pone base yen pero partido a bai extra inning. Shawn Bareño ta mantene e wega y ta den bom di 8 inning Edguard Winterdaal Jr. ta embasa cu base por bola, ta pasa pa segunda y cu rolling di Nathon Cruz coredor Winterdaal ta pasa pa tercera. BJ Rincones cu coredor na tercera cu 1 out y conteo di 2-2 ta bati hit pa left pa asina Aruba walkoff ariba e ekipo di Mexico cu score di 3-2.

Aruba majan lo enfrenta e ekipo di Chinese Taipei cu ta e campeon e ultimo 5 aña aki na Taylor, Michigan. Aruba Ariba!

Most Popular

To Top